Marta Lago Cerviño
SCOPUS | ORCID
Titulada en Conservación e Restauración de Bens Culturais, especialidade en materiais arqueolóxicos, pola Escola Superior de Conservación e Restauración de Bens Culturais de Galicia. Mestrado Universitario en Tecnoloxías para a Protección do Patrimonio Cultural Inmoble. Universidade de Vigo.
Comezou a súa vinculación co Departamento de Arqueoloxía da Universidade de Vigo no ano 2004, dentro do proxecto de Investigación e Musealización da Villa Romana de Toralla” (Vigo), continuando ligada á UVigo na execución e dirección dos traballos de conservación no Conxunto Rupestre do Monte do Señoriño-Armea, A Cibdá de Armea e San Salvador dos Penedos (Allariz). Así como tratamentos de conservación e restauración de material cerámico procedente do xacemento romano de Currás (Tomiño) ou dos fondos do Museo Massó (Bueu). Actualmente dirixe os traballos de conservación e restauro que se van desenvolver proximamente no campamento romano de A Ciadella (Sobrado dos Monxes).
Nerea Ruanova Álvarez
SCOPUS | ORCID
Graduada en Filoloxía Clásica pola Universidade de Santiago de Compostela. Fixo o Mestrado Universitario en Profesorado de Educación Secundaria Obrigatoria e Bacharelato e o Mestrado Interuniversitario de Arqueoloxía e Ciencias da Antigüidade. O seu traballo de fin de mestrado titorizado por Adolfo Fernández Fernández levou por título “Revisión e novas aportacións ás marcas de oleiro en Terra Sigillata Itálica e Sudgálica de Lucus Augusti”. Actualmente está a realizar a súa tese no programa de doutoramento en Protección do Patrimonio Cultural da Universidade de Vigo.