Persoal investigador posdoutoral

SCOPUS | ORCID

Licenciado en Ciencias Ambientais (ULE, 2011); Máster en Química Avanzada (UVigo & USC, 2012) e en Profesorado de Educación Secundaria Obrigatoria, Bacharelato, Formación Profesional e Ensino de Idiomas (UVigo, 2013). Doutor polas universidades UVigo, USC, UDC, UTAD, UMinho & UAVR (Marine  Science, Technology and Management, Campus de Excelencia Internacional Campus do Mar, 2017). Impartiu docencia nos graos en Xeografía e Historia (materias da Área de Xeografía Física), Educación Primaria (Didáctica das CC. Experimentais) e Educación Infantil (Xeografía).

Investigador no Grupo de Estudos de  Arqueoloxía, Antigüidade e Territorio, GEAAT (UVigo), membro do Grupo de Innovación Docente en  EducaAcción Patrimonial, GIDEP (UVigo).

Autor de obras colectivas, artigos científicos en revistas indexadas e comunicacións a congresos, relativas a procesos de interrelación sociedade-natureza en base a  trazadores xeoquímicos; alteracións de orixe natural e antropoxénico nos sistemas fluviais; e patrimonio natural e cultural relacionado cos ambientes fluviais. Actualmente desenvolve a súa investigación como bolseiro posdoutoral (Xunta de Galicia) ao redor da trazabilidade da pegada humana en rexistros fluviais.

Palabras chave: Xeografía Integrada, Historia Ambiental, Quimioestratigrafía, pequenos ríos.

SCOPUS | ORCID

Patricia Bello Alonso licénciase en Hitoria no ano 2013 coa especialización nas áreas de Arqueoloxía e Prehistoria. En 2013-2014 realizou o Máster de Arqueoloxía e Prehistoria na Universidade de Cantabria, coa especialidade de Prehistoria. No ano 2015 iniciou o contrato FPI-MINECO no Centro Nacional de Investigacións da Evolución Humana (CENIEH) (Burgos) baixo a dirección de Manuel Santonja, Joaquín Panera e Joseba Rios Garaizar.

O seu proxecto de tese tivo como obxectivo principal o estudo traceológico da industria lítica achelense do xacemento arqueolóxico de Thiongo Korongo (Garganta de Olduvai, Tanzania). Esta análise baseouse na identificación de pegadas de uso nas zonas activas das ferramentas líticas elaboradas sobre cuarcita e rocas volcánicas. Esta investigación realízase mediante o uso de microscopía óptica combinada de altos aumentos (microscopio metalográfico) e de baixos aumentos (lupa binocular). Durante este tempo tamén participou activamente como parte do equipo de investigación e escavación as campañas de intervención arqueolóxica desenvolvidas en Thiongo Korongo desde 2016 a 2019, así como na campañas de escavación no xacemento de Ambrona (Soria) desde 2016 a 2018.

SCOPUS | ORCID

Historiadora de relixión, con formacion en filoloxía clásica e en historia medieval (PhD: 2007, Central European University; 2008: European Doctorate in the History of the Mediterranean, Universitá Ca’ Foscari, Venezia)
Durante 20 anos estudei en varios aspectos a transformación dos rituais pagáns na antigüidade tardía, especialmente no campo dos lugares sacros, os cultos de curación, ex votos, o concepto de enfermidade e a literatura dos milagres, ou a hagiografia dos santos sanadores. Neste tema publiquei e disertei sobre moitos aspectos, o meu primeiro libro enfócase na historia da incubación, o seu desenvolvemento como practica e como literatura desde Asclepio ata os santos medicos bizantinos. Actualmente estou a traballar sobre o concepto de pecado e enfermidade na antiga Grecia. Logo involucreime máis en temas afíns, como soños e visións, espazo sacro, peregrinacións, historia da medicina e aínda máis tarde o desenvolvemento da dinámica dos milagres na Idade Media. O meu segundo libro foi a colección de milagres de santa Margarita de Hungría e temas relacionados co seu canonización e a súa figura como princesa, monxa real, e unha santidade en vida centrada sobre as súas tarefas feminiles. A miña ultima publication é un ensaio na ‘Companion to Medieval Miracle Collections’, Brill, 2021. Entre 2002-2018 detentei postos investigadores en diferentes universidades europeas (Warburg Institute, Fondation Hardt, Marie Curie fellowship, Wellcome Institute, CSIC, Harvard University, University of Reading, European Science Foundation, ERC) e impartín cursos de mestria e doutoramento na Central European University sobre temas varios temas de historia medieval e antiga.

SCOPUS | ORCID

Investigador posdoutoral Xunta de Galicia-Modalidade B no Grupo de Estudos de Arqueoloxia, Antigüidade e Territorio (GEAAT) da Universidade de Vigo, así como do Institute of Evolution in Africa (IDEA) da Universidade de Alcalá de Henares. Centra as súas investigacións na Prehistoria antiga europea e africana. Especificamente traballa no estudo das poboacións humanas con tecnoloxía achelense do Plistoceno Inferior y Medio, así como da análise dos patróns de distribución e afeccións tafonómicas sobre os xacementos arqueolóxicos.
Desenvolve actividade docente no Grao de Xeografía e Historia da Universidade de Vigo, no Master Interuniversitario de Arqueoloxía e Ciencias da Antigüidade sediado na Universidade de Santiago de Compostela, e ten participado noutros programas de posgrao como o Mestrado en Arqueología da Facultade de Letras da Universidade de Lisboa.

Desenvolve as súas investigacións en diferentes xacementos paleolíticos peninsulares como El Sotillo (Ciudad Real), Cuesta de la Bajada (Teruel) o Siega Verde (Salamanca) e máis especialmente na conca del río Miño. Nesta zona lidera os proxectos de investigación de diferentes xacementos achelenses como Arbo, Porto Maior ou Gándaras de Budiño. Así mesmo é codirector da “Italo-Spanish Archaeological Mission at Melka Kunture and Balchit” (Etiopía) e membro do equipo de investigación do “The Olduvai Paleoanthropology and Paleoecology Project (TOPPP)” da Garganta de Olduvai (Tanzania).

Forma parte do equipos de traballo ou é Co-IP de diferentes proxectos de investigación nacionais e internacionais, como “Economía de materias primas, patrones de conducta y ocupación del territorio asociados al desarrollo tecnológico en la garganta de Olduvai (Tanzania)” (HAR2017-82463-C4-2-P), “Variabilidad del comportamiento del Homo erectus durante el Pleistoceno Inferior en el Altiplano Etíope en Melka Kunture (Etiopia)” (Fundación PALARQ, anos 2019-21), “Variabilidad del comportamiento humano durante el Pleistoceno Medio en Europa: coexistencia del Achelense y el Paleolítico Medio en la Península Ibérica” (PGC2018-093612-B-I00), “Tradición, evolución y coexistencia en los tecnocomplejos paleolíticos del Pleistoceno Medio de la Península Ibérica” (CEN154P20), ou “The Early Acheulean (~2.0-1.7 million years ago) at Melka Kunture on the Ethiopian Highlands” (Leakey Foundation, ano 2022). http://www.melkakunture.it  //  https://ideamadrid.com

SCOPUS | ORCID

Graduada en Xeografía e Historia pola Universidade de Vigo coa especialidade en Historia Antiga, realizou o mestrado en profesorado en CC.SS: Xeografía e Historia. Posteriormente, realizou varios cursos de Exiptoloxía na Universidade de Murcia, así coma estadías predoutorais na Universidade de Birmingham e en Oxford. Así mesmo, participou en conferencias en Ourense, A Coruña, Madrid, Zaragoza, Murcia, Birmingham e Berlín así coma en diversas publicacións. Coma complementos da súa formación, especializouse en Exipcio Tardío (Período Ramésida), relixión exipcia e Historia antiga de Exipto. Participou nun proxecto/curso arqueolóxico en Luxor e actualmente está a finalizar a tese de doutoramento no programa da Uvigo en Protección do Patrimonio Cultural.

SCOPUS | ORCID

Patricia Valle Abad (Darmstadt, 1988). Investigadora do Grupo de Estudos de Arqueoloxía, Antigüidade e Territorio (GEAAT) da Universidade de Vigo. Desenvolve súa investigación en torno ás necrópoles costeras do Noroeste peninsular na antigüidade. Participa activamente en diversos proxectos de investigación, entre eles o “Proxecto de limpeza, intervención e rexistro arqueolóxico no xacemento alto medieval del Castelo de Mouresiños (San Salvador dos Penedos, Allariz)”, o “Proxecto de escavación e consolidación no xacemento de Armea (Santa Mariña de Augas Santas, Allariz)”, o “Proxecto de intervención arqueolóxica, documentación fotogramétrica e dinamización cultural da necrópole de Medeiros (Monterrei, Ourense) e o “Proxecto de intervención e restauración de A Cerca-Muro de Búbal (Oímbra-Monterrei).