Doutorandos

SCOPUS | ORCID

Titulada Superior en Música polo Real Conservatorio Superior de Música de Madrid e Graduada en Xeografía e Historia pola UVigo. Obtivo no 2007 o Certificado de Aptitude Pedagóxica na Universidade Complutense de Madrid.

O seu interese pola interdisciplinariedade lévaa a cursar en 2012 o Mestrado en Museoloxía, Crítica e Arte Contemporánea pola USC e no eido musical, entre outros moitos cursos de formación pedagóxica e de interpretación, destaca a realización dun Curso de Especialización de Acordeón en MUSIKENE, para o que foi seleccionada en 2014. Exerce seu labor docente como funcionaria de carreira no Conservatorio Profesional Ourense. Actualmente é estudante do Programa de Doutoramento en Protección do Patrimonio Cultural na UVigo.

SCOPUS | ORCID

Roberto Bartolomeu Abraira (investigador da USC) é licenciado pola mesma universidade, director de Engobe Arqueoloxía, ten unha prolongada experiencia en intervencións arqueolóxicas na cidade de Lugo. No seu curriculum resaltan tamén intervencións como equipa técnica noutras provincias, como a escavación en área levada a cabo no xacemento da Reza Vella na cidade de Ourense. Coordinador das “Xornadas internacionais de cerámica antiga no noroeste peninsular” que se realizan na cidade de Lugo, conta cunha ampla produción investigadora nesta temática.

SCOPUS | ORCID

Licenciada en historia no ano 1999, realiza o Curso de Aptitude Pedagóxica no ano 2000.

No ano 2014 cursa o Máster en Historia, Territorio e Patrimonio. No 2020 atópase realizando a súa Tese de Doutoramento na UVigo e traballando como informadora turística na cidade de Soria e guía eventual no xacemento Arqueolóxico de Numancia.

SCOPUS | ORCID

Licenciada en Administración e Dirección de Empresas e en Historia, nesta última coas especialidades de Historia Antiga e Arqueoloxía. Mestrado en Tecnoloxías para a Protección do Patrimonio Cultural Inmoble.
Premio de Excelencia Académica da UVigo (EIDO).

Estadía de Investigación na UNIARQ (Lisboa). Participou en varios Proxectos de I+D de intervención arqueolóxica en xacementos como o castro de Armea en Allariz ou Río Barbanza e Porto Traveso na Serra do Barbanza.

SCOPUS | ORCID

Licenciada en Gestão do Património (2016) pola Escola Superior de Educação do Politécnico do Porto. Posgraduada en Comunicação, Arte e Cultura (2017) polo Instituto de Ciências Sociais da Universidade do Minho.

En 2019 terminou o Ciclo de Mestrado em Património, Artes e Turismo Cultural pola Escola Superior de Educação do P. Porto. En 2018 integrou a equipa de Investigadores Estudantes do Centro de Investigação & Inovação em Educação da ESE – P. PORTO.

En 2019, pasou a integrar a equipa de Investigadores Colaboradores do mesmo centro de investigación e ingresou no Programa de Doutoramento en Protección do Patrimonio Cultural da Universidade de Vigo, Universidade de Santiago de Compostela e Universidade da Coruña.

SCOPUS | ORCID

Licenciada en Historia da Arte e Mestre en Historia da Arte e Património pola Universidade de Lisboa, posgraduada en Turismo pola Escola Superior de Turismo e Hostaleria de Estoril. Actualmente é estudante do Programa de Doutoramento en Protección do Patrimonio Cultural da Universidade de Vigo, Universidade de Santiago de Compostela e Universidade da Coruña.Profesionalmente conta cunha prolongada experiencia en comunicación a través de diferentes medios que van dende a web ata a radio ou medios impresos. Ademais, tamén conta cunha importante experiencia laboral no eido do turismo.

SCOPUS | ORCID

Licenciado en Historia pola Facultade de Ourense (UVigo, 2010). Mestrado de Historia, Territorio e Patrimonio (UVigo, 2011). Participou en varios congresos de universidades españolas (UMA, UM, etc.) e ten varios artigos científicos publicados. Entre o 2015 e o 2019 foi concelleiro de Deportes, Xestión e Protección do Patrimonio Histórico, Transparencia e Novas Tecnoloxías na vila de Ponteareas. Na actualidade é profesor de secundaria no CPR Montesol (Coia, Vigo) e Concelleiro de Recursos Humanos e Innovación e Desenvolvemento Tecnolóxico na mesma vila, combinando a súa faceta laboral co desenvolvemento da súa tese de doutoramento no marco da chegada dos suevos á Gallaecia na Antigüidade Tardía, dentro do Programa de Doutoramento Interuniversitario en Protección do Patrimonio Cultural (Universidade de Vigo).

SCOPUS | ORCID

Licenciada en Historia pola Universidade de Vigo (2008). Coa tese (2012), “Monumentos funerarios Romanos en el Territorio de la Galicia actual: estelas, aras y placas”.
Colaborou en distintos proxectos de investigación como “A escavación e posta en valor do castro galaico-romano de Santa Lucia, Astariz (año 2016 y 2017)” ou o “Proxecto de Recuperación Patrimonial e Ambiental do Castelo de Lobarzán/Castro das Laxes das Chas (2019)”. A nivel profesional atópase traballando para a empresa de arqueoloxía Terra Arqueos S.L.

Graduado en Arqueoloxía pola Universidade de Xaén con mención en Arqueoloxía da Arquitectura. Posteriormente fixen o Mestrado Interuniversitario en Arqueoloxía e Ciencias da Antigüedade. Actualmente atópome realizando unha Tese Doutoral dentro do Programa de Doutoramento en Protección do Patrimonio Cultural da Universidade de Vigo titulada “Asturica Augusta: comercio e economía nunha cidade romana do noroeste peninsular “, á vez que participo nos diferentes proxectos arqueolóxicos do grupo GEAAT.

SCOPUS | ORCID

Licenciada en Historia pola Universidade de Vigo, membro do Grupo de Estudos de Arqueoloxía, Antigüidade e Territorio (GEAAT) asignada á especialidade de historia antiga.

SCOPUS | ORCID

Licenciado na Facultade de Historia de Ourense (UVigo, 2000) Diploma de Estudos Avanzados (UVigo, 2003), tres veces bolseiro da Consellería de Cultura no Museo Arqueolóxico Provincial de Ourense (2002 e 2005) e profesor invitado na Facultade de Historia de Ourense (2012-2013).
Arqueólogo profesional (2003) e fundador de Breogán Arqueoloxía (2010), dirixindo numerosas intervencións de salvamento e investigación, coma na necrópole rupestre de San Vitor de Barxacova (Parada de Sil, 2010-2018), vila romana do Bouzadoiro (Cabreiroá, Verín, 2015), Castelo do Casón (Ortigueira, 2015), Castro de Famelga (Cotobade, 2017), Castro de Santa Lucía de Astariz (Castrelo de Miño, 2016-2017) ou no Conxunto Arqueolóxico-Natural de Santomé (Ourense, 2019). Arqueólogo nas escavacións de Castromao (Celanova) entre 2000 e 2008 e participante en proxectos internacionais coma Berenike Project 2014 (Mar Rojo, Exipto, co Centro Polaco de Exiptoloxía do Cairo e a Universidade de Delaware). Actualmente é tamén arqueólogo municipal do Concello de Celanova (2018).

Andrea Serodio Domínguez

SCOPUS | ORCID

Desde o 2006 traballa como autónoma en diferentes centros museísticos de Galicia (España), como o Museo de Pontevedra, o Museo Municipal “Quiñones de León” de Vigo, o Museo do Mar de Galicia ou Pinacoteca Francisco Fernández del Riego. Tamén desenvolveu traballo no ámbito arqueolóxico participando en máis de 50 escavacións e coordinación de visitas nos xacementos musealizados de Salinae en Vigo, a Vila Romana de Toralla ou o Centro de Interpretación do Mundo Romano de Vigo, neste último coordinou a execución do proxecto museístico.

En 2019 incorporoume ao equipo español da misión arqueolóxica italo-española en Melka Kunture e Balchit (Etiopía) traballando na reorganización das antigas coleccións que se conservan no Museo Nacional.

SCOPUS | ORCID

Grao en Historia pola Universidade de Salamanca, Mestrado en Arqueoloxía pola Universidade Autónoma de Madrid, Mestrado de Profesora pola UVigo. Actualmente, compatibiliza a investigación como membro do Grupo de Estudos de Arqueoloxía, Antigüidade e Territorio (GEAAT) con diversas campañas de escavación do Castro de Santa Lucía en Castrelo de Miño e noutros proxectos do GEAAT.

SCOPUS | ORCID

Licenciado en Historia pola Universidade de Vigo, onde cursa tamén os seus estudos de mestrado e doutoramento. Coa realización de varios posgraos no CSIC especialízase na aplicación das TIG en arqueoloxía. Ten publicado un libro e case dúas decenas de artigos científicos ligados co Patrimonio Cultural. Así como participado en máis dunha decena de proxectos de investigación e posta en valor do Patrimonio Arqueolóxico. Na actualidade exerce como docente no Máster da Universidade de Vigo en Valoración, Xestión e Protección do Patrimonio Cultural. Como investigador predoutoral do Grupo de Estudios de Arqueoloxía, Antigüidade e Territorio centra o seu traballo no estudo da denominada Cultura Castrexa, fixando especial atención no poboamento da Idade do Ferro no sur da provincia de Ourense.

SCOPUS | ORCID

Licenciada en Historia da arte pola Universidade de Santiago de Compostela (USC), Grao en Conservación e Restauración de Bens Culturais pola Escola de Conservación e Restauración de Bens Culturais de Galicia e Mestrado en Traballo Social pola Universidad Nacional Autónoma de México (UNAM), tese con Mención Honorífica. Actualmente é doutoranda en Protección do Patrimonio na Universidade de Vigo. Conta con 15 anos de experiencia como docente en licenciaturas e posgraduados da Universidad Nacional Autónoma de México (UNAM), a Universidad Autónoma de Iucatán (UADY) e a Universidade de Vigo (UVigo). Traballou 11 anos co Instituto Nacional de Antropología e Historia de México (INAH) en proxectos de investigación e intervención en conservación e restauración do patrimonio cultural en sitios arqueolóxicos e comunidades da área maia.

SCOPUS | ORCID

Licenciado en Historia pola Universidade de Vigo, compatibiliza a súa faceta de investigador no Grupo de Estudos de Arqueoloxía, Antigüidade e Territorio (GEAAT) co traballo no Servizo Municipal de Arqueoloxía do Concello de Ourense dende o ano 1998.

Actualmente está traballando no seu proxecto de tese de doutoramento “Poblamiento y minería romana en el cuadrante noroccidental de la provincia de Orense”, dirixida pola Prof. Milagros Cavada Nieto e polo Prof. Manuel Villanueva Acuña.

SCOPUS | ORCID

Licenciada en xestión do turismo pola Universidade de Liaoning (China) entre os anos 2007 e 2011, cursou estudos de mestrado nesta mesma universidade na temática de Xestión do Turismo entre os anos 2011 e 2014.

Conta cunha importante produción científica sobre os retos sociais do turismo no seu país natal incluíndo entre os seus méritos múltiples artigos publicados, a participación de ata en dez proxectos de investigación e o rexistro de dúas patentes.